Sunday 9 March 2014

മുജ്ജന്മ ബന്ധത്തിന്‍ വേരുകള്‍ തേടി
കാല്പനീകമായൊരു ലോകം തീര്‍ത്ത്
അതിന്നാഴങ്ങള്‍ തേടിയലഞ്ഞതില്‍ 
അലിഞ്ഞില്ലാതാകണം

ഇഷ്ടാനിഷ്ടങ്ങള്‍തന്‍ ഉല്പത്തി
തേടി, ഉത്തരം കിട്ടാത്ത
ചോദ്യങ്ങള്‍ മാറ്റിയെഴുതി
സ്വയം ഉത്തരങ്ങളാകണം

നിഴലുകള്‍ പടമെഴുതുന്ന ഇടവഴിയുടെ
അറ്റത്തായി ശെരിയും തെറ്റും
വേര്‍ പിരിയുന്നിടത്ത് എത്തിയാല്‍
ഇഴ ചേര്‍ത്തു പിടിച്ച് നടക്കണം

ഇനിയൊരു തിരിച്ചു പോക്കില്ലെന്ന
യാതാര്‍ത്ഥ്യത്തെ ഉള്‍കൊള്ളാന്‍
തയ്യാറാവാതെ ഹൃദയങ്ങളെന്നും
മിടിച്ചു കൊണ്ടേയിരിക്കണം..

No comments:

Post a Comment

പറഞ്ഞില്ലെന്നു വേണ്ട..

About my Blog